Cabinet Decision 2025 : राज्य मंत्रिमंडळाची आज बैठक आयोजित करण्यात आली होती. या बैठकीत अनेक महत्त्वाचे निर्णय घेण्यात आले आहेत. एका निर्णयामुळे आता शेतकऱ्यांचाही मोठा फायदा होण्याची शक्यता आहे. जाणून घेऊ काय आहेत निर्णय ?

मुंबई : 30/09/2025

राज्य मंत्रिमंडळाची आज (30 सप्टेंबर) सप्टेंबर महिन्याची बैठक पार पडली. या बैठकीत अनेक महत्त्वाचे निर्णय घेण्यात आले. यामध्ये राज्यातील विधी सेवा, वैद्यकीय शिक्षण, औषध, उर्जा क्षेत्राला केंद्रस्थानी ठेवून निर्णय घेण्यात आले आहेत. यातील एका निर्णयामुळे आता शेतकऱ्यांच्या पिकाला पाणी देण्यासाठी कृषीपंपाला वीज मिळण्यास मदत होणार आहे. विशेष म्हणजे राज्याच्या उद्योग विभागाअंतर्गत सरकारने एक मोठा निर्णय घेतला आहे.

वैद्यकीय शिक्षण आणि औषधी द्रव्ये विभाग (Cabinet Decision 2025 )

कर्करोग रोग उपचारासाठी सर्वसमावेशक असे धोरण निश्चित कऱण्यात आले आहे. यामुळे आता नागरिकांना कर्करोग रोगासंदर्भात दर्जेदार उपचार मिळण्यास मदत होणार आहे. त्रिस्तरीय सम्रग कर्करोग उपचार सेवा निश्चित करण्यात आली आहे. राज्यभरातील 18 रूग्ण्यालयांतून कर्करोगाशी निगडीत विशेषोपचार उपलब्ध होणार आहेत. यात महाराष्ट्र कॅन्सर केअर, रिसर्च ॲंड एज्युकेशन फाऊंडेशन (महाकेअर फाऊंडेशन- MAHACARE Foundation) ही कंपनी स्थापना केली जाणार आहे. कंपनीच्या भागभांडवलासाठी शंभर कोटींचा निधीदेखील मंजूर करण्यात आला आहे.

उद्योग विभाग  ( Cabinet Decision 2025 )

महाराष्ट्राचे जागतिक क्षमता केंद्र (ग्लोबल कॅपॅब्लिची सेंटर – GCC ) धोरण 2025 मंजूर करण्यात आले आहे. यामुळे विकसित भारत 2047 च्या वाटचालीस सुसंगत अशी वाटचाल व्हावी यासाठी गुंतवणूक, बहुराष्ट्रीय सहकार्य या गोष्टींना प्रोत्साहन मिळणार आहे.

उर्जा विभाग ( Cabinet Decision 2025 )

औद्योगिक, वाणिज्यिक व इतर वर्गवारीतील ग्राहकांकडून वीज वापरावर अतिरिक्त वीज विक्री कर आकारण्यास मंजुरी देण्याचा मोठा निर्णय घेण्यात आला आहे. यामुळे प्रधानमंत्री कुसुम घटक-ब व अन्य योजनेअंतर्गत सौर कृषीपंपासाठी वीज पुरवठा करण्याकरिता निधी उपलब्ध होणार आहे.

नियोजन विभाग ( Cabinet Decision 2025 )

महाजिओटेक महामंडळ स्थापन करण्यास मंजुरी देण्याचा आजच्या मंत्रिमंडळ बैठकीत घेण्यात आला. या निर्णयामुळे भू-स्थानिक तंत्रज्ञानाचा वापर करून विविध क्षेत्रात धोरणात्मक नियोजन करण्यास आणि निर्णय घेण्यास मदत होणार आहे.

विधि व न्याय विभाग ( Cabinet Decision 2025 )

सातारा जिल्ह्यात फलटण येथे वरिष्ठ स्तर दिवाणी न्यायालय स्थापन कऱण्याचा निर्णय सरकारने घेतला आहे. या न्यायालयासाठी आवश्यक पदांना व त्यासाठीच्या खर्चाच्या तरतुदीस मंजुरी देण्यात आली आहे.

मंत्रिमंडळ बैठकीतील महत्त्वाचे निर्णय (संक्षिप्त)#Maharashtra #DevendraFadnavis #CabinetDecision #मंत्रिमंडळनिर्णय pic.twitter.com/DeJ566F8jB

— CMO Maharashtra (@CMOMaharashtra) September 30, 2025