Switzerland Train Accident : स्वित्झर्लंडमध्ये एक बर्फवृष्टीचा जोरदार तडाखा बसला आहे. सोमवारी म्हणजे 16 फेब्रुवारीला जोरदार बर्फवृष्टीमुळे एका ट्रेनचा भीषण अपघात झाला आहे. ही ट्रेन 80 हून अधिक प्रवाशांना घेऊन निघाली होती.
बर्न : 16-02-2026
स्वित्झर्लंडमधून ( Switzerland Train Accident ) एक मोठी घटना समोर आली आहे. स्वित्झर्लंडमध्ये सुरू असलेल्या वादळामुळे एक प्रवासी ट्रेन रेल्वे रूळावरून घसरली आहे. मिळालेल्या माहितीनुसार, या अपघातात अनेकजण जखमी झाल्याचे समोर आले आहे. ही ट्रेन 80 प्रवाशांना घेऊन रवाना झाली होती.
मिळालेल्या माहितीनुसार, हा अपघात स्वित्झर्लंडच्या गोपेनस्टाईनजवळील स्टॉकग्राबेन परिसरात सकाळी 7 च्या सुमारास हा अपघात झाला आहे. स्विस रेल्वे कंपनींने देखील अपघाताची पुष्टी केली असून जोरदार हिमवादळामुळे रेल्वे रूळावरून घसरली असल्याचे सांगितले जात आहे. ट्रेन सकाळी स्पीझहून रवाना झाली होती.
मदत आणि बचाव कार्याला सुरूवात ( Switzerland Train Accident )
या अपघाताची माहिती मिळताच मदत आणि बचाव कार्य तातडीने घटनास्थळी दाखल झाले होते. बचाव अधिकाऱ्यांनी दिलेल्या माहितीनुसार, सकाळी 10 वाजेपर्यंत प्रवाशांना सुरक्षितपणे रूळावरून घसरलेल्या लोकांना बाहेर काढण्यात आले. यानंतर जखमींना तातडीने रूग्णालयात दाखल करण्यात आले. घटनास्थळी अनेक रूग्णवाहिका आणि बचाव हेलिकॉप्टरही दाखल झाले होते.
सध्या जखमींना रूग्णालयात दाखल करण्यात आले असून त्यांच्यावर उपचार सुरू आहेत. तसेच किरकोळ जखमी झालेल्यांना मलमपट्टी करून घरी पाठवण्यात आले आहे. स्थानिक माध्यमांनी दिलेल्या माहितीनुसार, या अपघातात अनेक प्रवासी जखमी झाले होते. परंतु, अद्याप अधिकृत संख्या स्पष्ट झालेली नाही. सुदैवाने या अपघातात कोणाचाही मृत्यू झालेला नाही. बर्फवृष्टी आणि कठीण डोंगराळ प्रदेश यामुळे मदत आणि बचाव कार्यात अडथळे येत होते.
अपघाताचे कारण (Switzerland Train Accident)
बचाव अधिकाऱ्यांनी दिलेल्या माहितीनुसार, जोरदार बर्फवृष्टीमुळे रेल्वे ट्रॅकवर बर्फ जमा झाला आहे. यामुळे रेल्वे रूळावरून घसरून अपघात झाला असल्याचे सांगितले जात आहे. सध्या या अपघाताचा तपास सुरू आहे. तसेच रेल्वेचे डब्बे रूळावरून हटवण्याचे कार्यही सुरू आहे.
रेल्वे वाहतूक विस्कळीत (Switzerland Train Accident)
अपघातानंतर सुरक्षेच्या कारणास्तव गोपेनस्टाईन आणि ब्रिगेडियर दरम्यान रेल्वे सेवा बंद करण्यात आली होती. शिवाय ट्रॅक दुरूस्ती आणि अपघाताच्या तपासणीमुळे सध्या सेवा मंगळवार ( 17 फेब्रुवारी) पर्यंत बंद राहण्याची शक्यता असल्याचे स्विस रेल्वे कंपनीने म्हटले आहे.
स्वित्झर्लंड हे तेथील रेल्वे नेटवर्क आणि त्याच्या वक्तशीरपणासाठी ओळखले जाते. दरवर्षी लाखो पर्यटक येथे बर्फवृष्टीचा आनंद घेण्यासाठी येतात. परंतु सततच्या खराब हवामानामुळे रेल्वे सेवांवर परिणाम होत असतो.