Sharad Pawar Bihar Election Result : बिहार विधानसभा निवडुकीच्या निकालानंतर राष्ट्रवादी कॉंग्रेसचे नेते शरद पवार यांनी निवडणुक आयोगावर टीका केली आहे. त्यांनी बिहार निवडणूकीआधी महिलांना वाटलेल्या 10 हजार रूपयांच्या योजनेबाबत बोलताना निवडणूक सिस्टिम करप्ट मार्गावर नेत आहे असे म्हटले आहे.
मुंबई : 15/11/2025
बिहार विधानसभा निवडणूक 2025 (Sharad pawar Bihar Election Result) निकालानंतर विरोधकांसह सर्वानाच धक्का बसला आहे. बिहारमध्ये भाजप-जनता दल ( संयुक्त ) या महायुतीने महाआघाडीचा धुव्वा उडवला. भाजपा या निवडणुकीत बिग ब्रदर ठरला आहे. तर जेडीयू दुसरी सर्वात मोठा पक्ष ठरला आहे. या निवडणुकीच्या निकालानंतर राज्यात वेगवेगळ्या प्रतिक्रीया येताना दिसत आहे. दरम्यान, ज्येष्ठ राजकारणी, राष्ट्रवादी कॉंग्रेसचे नेते शरद पवार यांनी निवडणूक सिस्टीम करप्ट मार्गावर नेत आहे असे म्हटले आहे.
शरद पवार म्हणाले…(Sharad pawar Bihar Result)
शरद पवार यांनी मीडियाशी संवाद साधला. त्यावेळी ते म्हणाले, पैसा वाटप केल्यानंतरही निवडणूक आयोगाने बघ्याची भूमिका घेतली. ” निवडणूकीपूर्वी 10 हजार रूपये वाटप करणं हे एक प्रकारचं करप्शन आहे. आणि ते सरकारने केलं आहे. महाराष्ट्रातही तेच झालं आहे. त्याचे परिणाम आम्ही भोगले आहेत. महाराष्ट्रातही निवडणुकापूर्वी पैशाचं वाटप केलं होतं. आम्ही अजून काही ठरवलं नाही. कालच निकाल आला आहे.
पण ही गोष्ट आम्ही डोळे झाक करणार नाही. काही दिवसांत संसदेचं अधिवेशन सुरू होईल. तेव्हा विरोधकांची मिटिंग आम्ही बोलावू. त्यात आम्ही याबाबतचा विचार करू. ही सोपी गोष्टी नाहीये. सत्ता ज्यांच्या हातात आहे, ते अधिकाराचा वापर पैसे वाटप करत आहेत. निवडणूक सिस्टिम करप्ट मार्गावर नेत आहेत. त्याकडे दुर्लक्ष करणार नाही. आम्ही यावर चर्चा करून काही तरी करू. पैसे वाटप केल्यानंतरही निवडणूक आयोगाने बघ्याची भूमिका घेतली. याचा आनंद ज्याला लाभ झाला असेल त्याला होणारचठ. असे शरद पवार म्हणाले.
शिवसेना निवडणूक चिन्हाबाबत (Sharad pawar Bihar Result)
शिवसेना निवडणूक चिन्हाबाबत बोलताना शरद पवार म्हणाले की, हा शिवसनेवर अन्याय आहे. त्यांना त्याची झळ बसत आहे. दोन तीन दिवसांचं हिअरींग आहे. तिसऱ्यांदा पुढे ढकललं. ज्युडिशिअरीवर आपण बोलू शकत नाही. पण जे दिसतं ते योग्य नाही. पिपाणी चिन्ह हटवल्याबद्दल मी निवडणूक आयोगाचे आभार मानतो.
युतीबाबत काय म्हणाले पवार ? (Sharad pawar Bihar Result)
स्थानिक स्वराज्य संस्था निवडणुकीत युती करणार का यावर बोलताना शरद पवार म्हणाले की, ” राज्यात पंचायत आणि नगरपरिषदेच्या निवडणुका येतील. पार्टी म्हणून या निवडणुका लढवल्या जातात. राष्ट्रवादी पक्षाच्या वतीने आम्ही निर्णय घेतला की तालुका आणि जिल्ह्यात पक्षाचे सहकारी आहेत त्यांनी निवडणुकीबाबतचा निर्णय घ्यावा.